Popular Posts

Thursday, August 4, 2011

ওঁ তৎ সৎ : অথ শ্রীমদ্ভগবদ্গীতা প্রারভ্যতে

শ্রীগোপালকৃষ্ণায় নমঃ

ওঁ অস্য শ্রীমদ্ভগবদ্গীতামালামন্ত্রস্য শ্রীভগবান্ বেদব্যাসঃ ঋষিঃ অনুষ্টুপ্ ছন্দঃ
শ্রীকৃষ্ণঃ পরমাত্মা দেবতা অশোচ্যানন্বশোচস্তং প্রজ্ঞাবাদাংশ্চ ভাষসে ইতি বীজং,
সর্ব্বধর্ম্মান্ পরিত্যজ্য মামেকং শরণং ব্রজেতি শক্তিঃ,
অহং ত্বাং সর্ব্বপাপেভ্যো মোক্ষয়িষ্যামি মা শুচঃ ইতি কীলকম্।

নৈনং ছিন্দন্তি শস্ত্রাণি নৈনং দহতি পাবকঃ ইত্যঙ্গুষ্ঠাভ্যাং নমঃ।
ন চৈনং ক্লেদয়ন্ত্যাপো ন শোষয়তি মারুতঃ ইতি তর্জ্জনীভ্যাং নমঃ।
অচ্ছেদ্যোহয়মদাহ্যোহয়মক্লেদ্যোহশোষ্য এবচ ইতি মধ্যমাভ্যাং নমঃ।
নিত্যং সর্ব্বগতঃ স্থাণুরচলোহয়ং সনাতনঃ ইত্যনামিকাভ্যাং নমঃ।
পশ্য মে পার্থ রূপাণি শতশোহথ সহস্রশঃ ইতি কনিষ্ঠাভ্যাং নমঃ।
নানাবিধানি দিব্যানি নানাবর্ণাকৃতীনিচ ইতি করতলপৃষ্ঠাভ্যাং নমঃ ইতি করন্যাসঃ।

নৈনং ছিন্দন্তি শস্ত্রাণি নৈনং দহতি পাবকঃ ইতি হৃদয়ায় নমঃ
ন চৈনং ক্লেদয়ন্ত্যাপো ন শোষয়তি মারুতঃ ইতি শিরসে স্বাহা।
আচ্ছেদ্যোহয়মদাহ্যোহয়মক্লেদ্যোহশোষ্য এবচ ইতি শিখায়ৈ বষট্।
নিত্যঃ সর্ব্বগতঃ স্থাণুরচলোহয়ং সনাতনঃ ইতি কবচায় হুম্।
পশ্য মে পার্থ রূপাণি শতশোহথ সহস্রশঃ ইতি নেত্রত্রয়ায় বৌষট্।
নানাবিধানি দিব্যানি নানাবর্ণাকৃতীনি চেতি অস্ত্রায় ফট্। ইতি অঙ্গন্যাসঃ।

No comments:

Post a Comment